БИШКЕК, 27-авг. — Sputnik. Футбол боюнча кыздар арасындагы (16 жашка чейин) улуттук курама 2017-жылы өтө турган Азия биринчилигинин тандоо турунун алкагында бүгүн беттеш өткөрөт. Бул тууралуу КРдин Футбол федерациясынан билдиришти.
Улуттук курама командасы 17-23-август күндөрү Бишкек шаарында даярдыктан өтүп, Бангладештин Дакка шаарына учуп кеткен.
24 өлкө катышкан турнирде Кыргызстандын командасы С тайпасына түштү. Аталган тайпада Иран, Сингапур, Бириккен Араб Эмираты, Тайвань жана Бангладеш бар.
Улуттук курама команда бүгүн, 27-августта алгачкы беттешин Тайванга каршы өткөрөт.
