БИШКЕК, 26-авг. — Sputnik. Кыргызстан кайрадан өзүнүн төрт жаранын бошотуу маселесин көтөрдү деп билдирди Тышкы иштер министрлигинин маалымат кызматы.
Жума күнү кыргыз тараптын демилгеси менен КРдин Өзбекстандагы элчиси Данияр Сыдыков менен Өзбекстандын тышкы иштер министринин орун басары Саидикрам Ниязходжаев менен жолукту.
Жолугушуу учурунда кыргыз элчиси Өзбекстандын ТИМинен алардын чек арачылары кармап кеткен кыргызстандыктарды бошотуу маселесин көтөрдү. Учурда тышкы саясат боюнча ведомстволордун бул маселе тууралуу сүйлөшүүсү уланып жатат.
Кыргызстан алардын жети кызматкеринин аталган тоого түшүрүлүшү боюнча түшүндүрмө сурап, макулдашылбаган аймактан кетүү талабын койгон.
24-август күнү коңшу өлкөнүн чек арачылары Кербен шаарындагы телемунарада иштеген төрт кыргызстандык адисти кармап кетип, аларды Янги-Курган райондук милициясына алып барган. Кыргызстандын мамлекеттик чек ара кызматы аларды кайра кайтарууну талап кылган.
