Венеция комиссиясынан КРдин Баш мыйзамынын долбоорун талдап берүүнү суранышты

© Sputnik / Табылды КадырбековКыргыз Республикасынын конституциясы. Архив
Кыргыз Республикасынын конституциясы. Архив - Sputnik Кыргызстан
Жазылуу
Мындай өтүнүчтү Жогорку Кеңештин Конституциялык мыйзамдуулук боюнча комитети жиберген.

БИШКЕК, 18-авг. — Sputnik. Жогорку Кеңештин Конституциялык мыйзамдуулук боюнча комитетинин төрагасынын орун басары, "Ата Мекен" фракциясынын депутаты Алмамбет Шыкмаматов Баш мыйзам суроолору боюнча Венеция комиссиясына кайрылды. Бул туурасында аталган фракциянын катчылыгынан билдирди.

Катта комитеттин конституциялык мыйзамдуулук жаатындагы кызматташуусуна ыраазычылыгы айтылган. Ал аракеттер конституциялык туруктуулуктун, мыйзамдуулуктун өкүм сүрүшүн жана мамлекеттик бийликти бекемдөөгө багытталганы кошумча билдирилет. 

"Европа Кеңешинин Венеция комиссиясынын мыйзамдуулуктун өкүм сүрүшү, конституциялык туруктуулукту өнүктүрүү боюнча мурдагы тажрыйбалары эске алынды. Бул жаатта демилгеленген мыйзам долбоорлоруна укуктук жактан экспертиза жүргүзүп берүү өтүнүчү менен кайрылдык", — деп билдирди Шыкмаматов.

Парламентарий Баш мыйзамдын бир нече бөлүмдөрүнө конституциялык түзүлүш, президенттик, мыйзамдуулук, аткаруу жана сот бийлиги, прокуратура, жергиликтүү өз алдынча башкаруу дагы башка суроолор боюнча оңдоолор киргизиле тургандыгын эске салды.

Жаңы Конституция жарга такайбы же керекке жарайбы? Эксперттердин пикирин Sputnik Кыргызстан материалынан окуңуз>>

Жаңылыктар түрмөгү
0