БИШКЕК, 18-авг. — Sputnik. Калифорния университетинин изилдөөчүлөрү латын америка этникалык тобуна кирген адамдар кечирээк картаярын аныкташкандыгы тууралуу РИА Новости Eurekalert агенттигине шилтеме берүү менен жазып чыкты.
"Латын америкалыктар диабет жана башка ооруларга көп чалдыкканына карабастан европалыктарга салыштырмалуу узагыраак өмүр сүрүшөт. Окумуштуулар мындай көрүнүштү "латын америкалык парадокс" деп аташат", — деп билдирди генетика боюнча профессор Стив Хорват.
Анын айтымына караганда, изилдөөлөр Латын америкалыктар молекулярдык деңгээлде кеч карышаарын көрсөткөн.
Окумуштуулар ДНКны изилдеп жатып таң каларлык өзгөчөлүктөрдү байкашкан, тагыраагы латын америкалыктардын каны кеч карый турганы аныкталган.
Стив Хорват мындан ары адамдардын башка ткандарынын карышынын ылдамдыгын изилдеп чыгууну пландап жатат.
