Флоридада аллигатор аялдын колун үзө тиштеп алган

Жазылуу
Окуяга күбө болгон офицердин айтуусунда, аялдын оң колу салаңдап калган.

БИШКЕК, 13-авг. — Sputnik. Флоридада аллигатор аялдын колун үзө тиштеп, кансыраган абалда оор абалда ооруканага жеткирилген деп кабарлады РИА Новости АВС телекомпаниясынын маалыматына таянып. 

Окуя Эверглейдс жаратылыш комплексиндеги тик учак же кеме менен гана барууга мүмкүн болгон Уиаллардс деп аталган балык өстүрүүчү кыштакта болгон. Аял тосулган чынжырчанын кырында туруп колундагы банканы сууга түшүрүп алган.

"Ал банканы алуу үчүн колун сууга салганда аллигатор тиштеп алган", — деп кабарлаган АВС телекомпаниясы.

Окуяга күбө болгон офицердин айтуусунда, аялдын оң колу салаңдап калган. Кан көп кеткендиктен, 49 жаштагы жергиликтүү жашоочуну тик учак менен ооруканага жеткиришкен. Адамдардын жашоосуна көп коркунуч келтирген аллигаторлор көп кездешкен Эверглейдс жаратылыш комплекси Флориданын түштүк жарым аралынын төрттөн бир бөлүгүн ээлейт.

Жаңылыктар түрмөгү
0
Алгач жаңыларыАлгач эскилери
loader