БИШКЕК, 14-авг. — Sputnik. Баткендеги Лейлек районуна караштуу Кулунду айылындагы Ленин атындагы мектепти оңдоо үчүн тендер жарыяланды.
Мамлекеттик сатып алуулар порталына жарыяланган маалыматка караганда, оңдоо иштерине жумшала турган каражат 9 миллион 709 миң 500 сомду түзөт.
Тендер Билим берүү жана илим министрлигинин алдындагы Инвестиция, оңдоо жана материалдык камсыздоо департаменти тарабынан жарыяланды. Анын мөөнөтү 2-сентябрда аяктайт.
