БИШКЕК, 12-авг. — Sputnik. Индиянын туризм министрлиги өлкө штаттарынын жетекчилигине селфиге үчүн кооптуу болгон атактуу жерлерди аныктоону сунуштаганын РИА Новости билдирди.
"Акыркы учурларда селфиге түшүп жатып жабыркаган туристтер тууралуу окуялар ЖМКларга байма-бай чыгып жатат", — деп айтылат Индиянын министрлиги тараткан билдирүүдө.
Андыктан министрлик күтүлбөгөн окуяларды болтурбоо үчүн айрым сунуштарды киргизди. Алардын арасында кооптуу аймактарды аныктап, аларды атайын белгилер менен белгилөө, социалдык тармактар, ЖМК аркылуу коом арасында маалыматты таратуу чаралары бар.
ЖМКнын маалыматы боюнча 2015-жылы селфиге түшүп жатып 27 киши каза болсо, алардын жарымы ушул Индияга туура келет.
Ал эми Индиянын Мумбай аймагында кооптуу делген 16 жер аныкталды.
