БИШКЕК, 6-авг. — Sputnik. Эртең, 7-августта Кыргызстандын көпчүлүк аймагында жаан жаай турганын Кыргызгидромет билдирди.
Маалыматка ылайык, Бишкек шаарында абанын температурасы түнкүсүн 17…19 градус болсо, күндүз 27…29 градуска чейин көтөрүлөт. Ал эми Ош шаарында күндүз мезгил-мезгили менен жаан-чачын жаап, түнкүсүн 21…23, күндүз 32…34 градус ысык болот.
Чүй, Талас, Ысык-Көл облустарынын көпчүлүк аймактарында, Ош, Жалал-Абад, Баткен, Нарын облустарынын кээ бир райондорунда жаан жаап, күн күркүрөйт. Бийик тоолуу райондордо кар жаашы мүмкүн.
