БИШКЕК, 5-авг. — Sputnik. Израилдин Intsights компаниясынын адистери "Ислам мамлекети" террористтик тобуна таандык сайтты бузуп, согушкерлердин чабуулунун планын аныкташты. Бул тууралуу Haaretz гезитине таянуу менен РИА Новости жазып чыкты.
Маалыматка ылайык, сайттагы форум Telegram мессенджеринин базасында иштеп келген. Компания хакерлер сайтты кантип талкалап киришкенин ачыктаган жок.
"Форумда согушкерлер АКШнын Кувейттеги, Бахрейн жана Сауд Аравиясындагы авиабазаларына чабуул коюу пландарын талкуулашкан. Ошол жерде буга чейин террорчулардын соккусуна туш болгон аймактар да белгиленген, мисалы, Нормандиядагы чиркөө", — деп айтылат билдирүүдө.
Эскерте кетсек, 26-июль күнү эртең менен колуна бычак алган эки эркек киши Нормандиядагы Сент-Этьен-дю-Рувре чиркөөсүндө алты адамды барымтага алып. Аялдын бири качып чыгып, полиция чакырууга үлгүргөн. Имараттан чуркап чыккандар ошол эле жерден өлтүрүлгөн. Чиркөөнүн ичинен 85 жаштагы мууздалган кызматкердин сөөгү табылган. Бул чабуулдун жоопкерчилигин "Ислам мамлекети" террористтик тобу моюндаган.
