БИШКЕК, 3-авг. — Sputnik. Инвестиция тартуу иштеринин алкагында Япониянын ири компаниялары Кыргызстандын мүмкүнчүлүктөрү менен таанышканын КРдин күн чыгыш өлкөсүндөгү элчилиги билдирди.
Маалыматка ылайык, элчи Чыңгыз Айдарбеков Япониянын Nippon Steel, Shimizu, Tokyo Rope, Mitsui жана Marubeni компанияларынын жетекчилик курамы менен жолугушкан.
Япон инвесторлору акыркы жылдарда ишке ашырылган ири долбоорлор, ошондой эле гидроэнергетика, тоо-кен өнөр жайы, шаардык жана транспорттук-байланыш түзүмдөрдү жөнүндө маалымат алышты.
Андан сырткары, аталган компаниянын өкүлдөрү күзүндө Кыргызстанда боло турчу форумга чакырылды.
