БИШКЕК, 25-июл. — Sputnik. Сүрөттөрдү санарип түрдө иштеп чыгуу тиркемеси эми Android системасы үчүн да жеткиликтүү болгонун стартаптын негиздөөчүсү Алексей Моисеенков өзүнүн Facebook баракчасына жарыялады.
Буга чейин аталган программа iOS операциялык системасы үчүн гана жеткиликтүү болуп келген. AppStore магазининде 11-июнь күнү пайда болуп, бир нече күндүн ичинде эң көп жүктөлүп алынган тиркеме болгон.
Долбоор авторлорунун айтымында, жакын арада Prisma программасына видеону иштеп чыгуучу фильтр кошулмакчы.
