БИШКЕК, 25-июл. — Sputnik. Жогорку окуу жайларга абитуриенттерди кабыл алуу кампаниясынын эки турунун жыйынтыгы менен 779 бюджеттик орун калганын билим берүү жана илим министри Элвира Сариева маалымат жыйында билдирди.
Министрдин айтымында, ушу тапта республика боюнча бюджеттик орундардын 84 пайызы толуп, 1831 абитуриент окууга өттү. Былтыр бул көрсөткүч 78 пайызды түзгөн.
Кампаниянын үчүнчү туру үстүбүздөгү жылдын 30-июлуна чейин болмокчу. Ага 2322 гранттык орун бөлүнгөн.
Эскерте кетсек, бюджеттик окуу үчүн 5426 орун берилип, конкурска 26 миң абитуриент катышууга укук алган.
