БИШКЕК, 22-июл. — Sputnik. Миллиардер Дональд Трамп жума күнү расмий түрдө Республикачылар партиясынын атынан АКШнын президенттигине талапкерлигин коюга макулдугун берди.
"Дос делегаттар жана америкалык мекендештер. Мен бардыгыңыздарга ыраазычылык билдирүү менен Америка кошмо штаттарынын президенттигине талапкер болууга макулдугумду бердим", — деп Трамп Кливлендде өткөн партиянын курултайында билдирди.
"Биргеликте биздин партияны Ак үйгө киргизебиз. Ал эми өлкөбүз коопсуз аймакка айланып, өнүгө баштайт. Биздин мамлекет кең пейил жана боорукер болот. Бирок ошол эле учурда мыйзам менен тартипти сактаган өлкөгө айланат", — деп кошумчалады талапкер.
АКШда президенттик шайлоо 8-ноябрда өткөрүлөт. Трамп менен кошо президенттикке Демократтар партиясынан Хиллари Клинтон ат салышат.
