БИШКЕК, 18-июл. — Sputnik. АКШдагы изилдөөчүлөрдүн тобу адам баласы тукум курут боло турчу факторлорду атаганын Science журналына шилтеме берүү менен РИА Новости билдирди.
Окумуштуулардын божомолу боюнча үч фактар жер жүзүндөгү адамдарды жок кылышы ыктымал. Алар: эң чоң вулкандын атылышы, күн планетасынын активдүүлүгү жана астероиддердин кагылышуусу.
Биринчи версия боюнча вулкандан чыккан лава жана күл жер жүзүн 1 метрлик калыңдыкта жаап калат. Бул өз кезегинде айыл-чарбасын жабыркатып, имараттардын бузулушун сактайт.
Экинчи версия боюнча күн планетасында болгон активдүү жарылуулар жердеги электр жабдыктарын иштен чыгарып, дүйнө боюнча электр жарыгы өчөт. Ошондой эле күндүн көзү көрүнбөй калат.
Үчүнчү версияга ылайык, астероиддердин кагылышуусунан улам жердин атмосфера катмарын калың түтүн каптап, күндүн жарыгы жерге бир нече айга чейин тийбей калат.
