Азимжан Аскаровдун ишин Чүй облустук соту карамай болду

© Фото / пресс-служба ГСИН КРАзимжан Аскаров. Архив
Азимжан Аскаров. Архив - Sputnik Кыргызстан
Жазылуу
Yandex newsTelegram
Аны боштондукка чыгарууну буга чейин бир катар эл аралык уюмдар дагы талап кылган болчу.

БИШКЕК, 12-июл. — Sputnik. Жогорку сот 2010-жылдын июнь айында улут аралык араздашууну тутанткан деп соттолгон Азимжан Аскаровдун ишин Чүй облустук сотуна жөнөттү. Бул чечим соттун бүгүнкү отурумунда кабыл алынды. 

Анын жаңы ачылган жагдайлар боюнча ишин Жогорку Сот карап, жактоочулар БУУнун комитетинин чечимин бетке кармап келишкен. 

Сот кеңешүү бөлмөсүнө кеткенде Ош окуясында каза болгон Мыктыбек Сулаймановдун сотко катышып жаткан жакындары Аскаровдун жактоочуларына нааразычылыгын билдирип, ортодо катуу кайым айтышуу болуп кетти. 

Кыргызстандын жараны Азимжан Аскаров сот органдары тарабынан улут аралык араздашууну тутандырып, массалык башаламандыктарды уюштургандыгы, ошондой эле 2010-жылдын июнь айындагы кайгылуу окуялар учурунда укук коргоо органында иштеген кызматкерди ырайымсыз түрдɵ ɵлтүрүүгɵ катыштыгы үчүн соттолгон. Куралсыз 13 милиция кызматкери нааразы болгон топко түшүндүрүү иштерин жүргүзүп баштаганда, ал топ тартип коргоо органдарынын өкүлдөрүн аёосуз сабап, ал эми аймактык милиционер Мыктыбек Сулаймановду өлтүрүп, өрттөп жиберишкен. 

Июль айында (2015-жылы) АКШнын мамлекеттик департаменти тарабынан Азимжан Аскаровго "Адам укугунун коргоочусу" сыйлыгынын ыйгарылышы Кыргызстанда нааразычылыкты жараткан.

Ага жооп иретинде Кыргызстан АКШ менен 1993-жылдын 19-майында кол коюлган кɵмɵк кɵрсɵтүүнү жеңилдетүү боюнча кызматташуу келишимин бир тараптуу жокко чыгарган.

2016-жылдын 21-апрелинде БУУнун Адам укуктары боюнча комитетинин эксперттеринин доклады жарыяланып, анда "Аскаров мыйзамсыз жана адам чыдагыс абалда кармалып турат, андан сырткары уруп-согууга да кабылган" деп жазылган. Ушундан улам, БУУнун эксперттери Аскаровду бошотуу талабын коюшкан.

ЕККУнун демократиялык институттар жана адам укугу боюнча бюросу менен Прессанын эл аралык институту дагы Азимжан Аскаровду бошотууну талап кылган.

Жаңылыктар түрмөгү
0