БИШКЕК, 8-июл. — Sputnik. Франциянын Марсель шаарындагы "Велодром" стадионунда Германия менен Франциянын командалары беттешип, оюн 2:0 эсебинде франциялыктардын пайдасына ооду.
Оюнда Франция курама командасынын оюнчусу Антуан Гриманн катары менен эки гол киргизип өзгөчөлөнө алды.
Француздар Евро-2016 турниринин алкагында Марселдин стадионуна экинчи жолу чыгып жатат. Буга чейин "Велодром" стадионунда тайпалык этапта Албаниянын курама командасын дагы 2:0 эсебинде уткан.
Белгилей кетсек, Германия футбол боюнча дүйнө чемпиону болгон. Аны ат чабым артта калтырган француздар эми финалда Португалиянын курама командасы менен беттешет. Чечүүчү бүйүр кызыткан беттеш 10-июлда Париждин чет-жакасындагы Сен-Дени аймагындагы "Стад де Франс" стадионунда өтөт.
