БИШКЕК, 4-июл. — Sputnik. Борбор калаада эки үйгө уурулукка киргендер кармалганын Бишкек ШИИБдин маалымат кызматы билдирди.
Бул окуяга тийиштиги бар делип бир аял колго түшкөн.
"Милицияга Бишкек шаарынын 25 жаштагы тургуну кайрылып, 2-июль күнү кечинде белгисиз бирөөлөр үйүнө кирип, 4 миң сомун уурдап кеткенин айткан", — деп айтылат билдирүүдө.
Свердлов РИИБдин кызматкерлери 32 жаштагы Бишкек шаарынын тургунун кармап, тергөө иштери жүрүүдө.
Биринчи Май районунан дагы башка үй тонолгон.
"35 жаштагы аял милицияга кайрылып, 3-июлда анын үйүнө кирген уурулар, телевизор менен кир жуугуч машинасын уурдап кеткен айткан", — деп жазылат ШИИБ тараткан билдирүүдө.
Аймактык милиция Бишкек шаарынын 37 жаштагы эки тургунун шектүү катары кармап, тергөө иштери жүрүүдө.
