БИШКЕК, 3-июл. — Sputnik. Ирактын борборундагы эки терактыдан өлгөндөрдүн саны улам өсүп отуруп 82ге жетип, жаракат алгандар 200гө чукулдады. Бул туурасында РИА Новости Рейтер агенттигинин маалыматына таянып кабарлады.
Агенттик көчөдө болгон жардыруудан кийин аймакты алааматтуу өрт каптаганын жазды. Мындан сырткары, диний борбордун жанында жайгашкан төрт имарат жарактан чыкты.
Sky News Arabia телеканалы алгачкы жарылуу мусулман шииттер чогулган диний борборго жакын жерде жасалганын билдирген. Жардыргыч заттын кубаттуулугу абдан күчтүү болгондуктан, мина коюлган автоунаа асманга атылган.
Бир аз убакыт өтпөй, Багдаддын түндүк тарабындагы Аш-Шааб базарындагы экинчи теракт жасалган.
Кандуу окуяны "Ислам мамлекети" террордук уюму жасаганын мойнуна алды.
