БИШКЕК, 21-июн. — Sputnik. Мыйзамсыз ишмердүүлүк жүргүзүп, 1 миллион 318 миң сом пайда көргөн ишкер кармалды. Бул туурасында Экономикалык кылмышка каршы күрөшүү боюнча кызматтан кабарлашты.
Маалыматка ылайык, каттоодон өткөн жеке ишкер уруксат берүүчү документтери жок туруп КТП-250кВ жана КТП-160кВ трансформаторлорун орнотуп, электр чубалгыларын ташыган.
Аталган факт боюнча Кылмыш жаза кодексинин 180-беренеси (Мыйзамсыз ишкердик кылуу) боюнча кылмыш иши козголду.
