БИШКЕК, 18-июн. — Sputnik. Академик Арстанбек Мурзалиевдин 85 жылдыгына карата Бишкек шаарында өлкө ичиндеги неврологдордун III-съезди өтөт. Бул тууралуу Саламаттык сактоо министрлиги билдирди.
Иш-чара үстүбүздөгү жылдын 24-25-июнь күндөрү болуп, ага 300гө чукул окумуштуулар катышат. Алардын арасында КМШ мамлекеттеринен келчү профессорлор бар.
Күн тартибине нерв оорулары менен күрөшүү, бейтаптарга туура мамиле жасоо, нейрохирургия тармагындагы көйгөйлөрүн талкуу маселелери кирди.
Съезддин максаты неврология жаатындагы көйгөйлөрдү чечүү жолун талкуулап, тажрыйба алмашуу болуп саналат.
