БИШКЕК, 17-июн. — Sputnik. Жылуулук куурларын оңдоо башталгандыктан Бишкектеги айрым көчөлөрдө жол кыймылына чектөө киргизиле турганын мэриянын маалымат кызматы билдирди.
Капиталдык оңдоо башкармалыгы маалымдагандай, 20-июндан тартып Тыныстанов көчөсү Киев көчөсүнөн Фрунзеге чейин жабылат.
"Бишкекжылуулуктармактары" ишканасы оңдоо иштерин жүргүзүп жаткандыктан ушундай чаралар көрүлүүдө.
Ошондой эле Карасаев көчөсү Юнусалиевден Бектенов көчөсүнө чейин жана Павлов менен Фучик көчөлөрүнүн ортосундагы Рыскулов көчөсү да жабылат.
Оңдоо иштери качан аяктары тууралуу так маалымат жок.
