БИШКЕК, 14-июн. — Sputnik. Белгилүү кикбоксчу Руслан Абасовду өлтүргөн киши аныкталып, издөөгө алынганын ички иштер министринин орун басары Данияр Абдыкаров маалымат жыйында билдирди.
2014-жылы 24-мартта Токмок шаарындагы кичи райондордун биринде кикбоксчу Абасовдун автоунаасы жардырылган, ал ооруканага алып бараткан жолдо каза болгон.
Ал эми ички иштер министри Кашкар Жунушалиев кылмыш иши иликтене турганын айтты.
Министрдин орун басары Данияр Абдыкаров кылмышты уюштурган киши аныкталып, издөө жарыяланганын маалымдады. Ал тергөө ишинин кызыкчылыгы үчүн кошумча маалымат берилбей турганын кошумчалады.
