БИШКЕК, 11-июн. — Sputnik. Казакстандын белгилүү музыкалык продюсери Баян Есентаева бычакталып ооруканага жеткирилди. Бул тууралуу окуя менен тааныш булакка таянуу менен Новости-Казакстан агенттиги билдирди.
Маалыматка ылайык, Есентаева май куюучу жайдан күндүз алып келинген. Учурда Талгар шаарынын борбордук оорукана дарыгерлеринин көзөмөлүндө.
Укук коргоо органдары маалыматты тастыктап, сотко чейинки териштирүү башталганын билдирди. Ал эми шектүү катары Есентаеванын күйөөсү камакка алынды.
Жабырлануучуга үч саатка созулган операция жасалды, дарыгерлер анын абалын оор деп баалашууда.
42 жаштагы Баян Есентаева — продюсер, Shine Production компаниясынын жетекчиси, теле алып баруучу, актриса, ырчы, журналист. 2006-жылдан тарта казакстандык музыкалык топторго продюсерлик кылып, 2010-жылдан баштап тасмага тартыла баштаган.
20 жашында Бакытбек Есентаевге турмушка чыккан. Эки кызы бар.
