БИШКЕК, 10-июн. — Sputnik. Түркиянын президенти Режеп Тайип Эрдоган Мухаммед Али атындагы маданий борборго баруу үчүн мейманканадан чыгып, автоунаасына отургандан кийин анын жан сакчылары менен Американын атайын кызматынын өкүлдөрү жакалаша кетти. Бул тууралуу Sputnik Türkiye агенттиги "Америка үнү" басылмасына шилтеме берүү менен билдирди.
Протоколго ылайык түрк президентин коргоого милдеттүү болгон Американын атайын кызматынын өкүлү Эрдоган машинага түшкөндөн кийин анын жанында турган жан сакчылары атайын кызматтын өкүлүн ары түртүп, анын ордуна турууну каалаган. Ошентип алар жакалаша кеткен. Бирок башка жан сакчылардын кийлигишүүсү менен окуя ырбабай токтоп калган.
