Жээнбеков ИИМ жетекчиси менен экстремизмге каршы күрөшүү чараларды талкуулады

© Пресс-служба правительства / Сабыр АильчиевПремьер-министр Сооронбай Жээнбеков бүгүн, 10-июнда, ички иштер министри Кашкар Жунушалиевди кабыл алды.
Премьер-министр Сооронбай Жээнбеков бүгүн, 10-июнда,  ички иштер министри Кашкар Жунушалиевди кабыл алды. - Sputnik Кыргызстан
Жазылуу
Жолугушууда Сооронбай Жээнбеков ар кандай коркунучтарга жана чакырыктарга натыйжалуу мамиле кылуу сыяктуу бир катар тапшырмаларды койду.

БИШКЕК, 10-июн. — Sputnik. Премьер-министр Сооронбай Жээнбеков бүгүн, 10-июнда,  ички иштер министри Кашкар Жунушалиевди кабыл алды. Бул тууралуу өкмөттүн маалымат кызматы билдирди.  

Жолугушууда укук тартибин жана жарандардын коопсуздугун камсыздоо, ички  иштер органдарынын ишмердүүлүгүн жакшыртуу, ошондой эле жүргүзүлүп жаткан реформалар маселеси талкууланды. 

"Министр өкмөт башчыга кылмыштуулукка, экстремизм жана терроризмге каршы күрөштү күчөтүү, кылмыштардын бетин ачуу боюнча иштер тууралуу маалымдады", — деп айтылат билдирүүдө. 

Бишкек гарнизонундагы милиция кызматкерлеринин даярдыгы - Sputnik Кыргызстан
ИИМ жетекчиси Бишкек гарнизонундагы милиция кызматкерлеринин даярдыгын текшерди
Өкмөт башчы министр Кашкар Жунушалиевдин алдына ички иштер органдарынын ишмердүүлүгүндөгү ыйгарым укуктарды бөлүштүрүүдөгү мыйзамдарды өркүндөтүү, ар кандай коркунучтарга жана чакырыктарга натыйжалуу мамиле кылуу сыяктуу бир катар тапшырмаларды койду.

Мындан тышкары, премьер жеке курамдын арасындагы тартипти бекемдөө, адистерди кесиптик жактан даярдоо  маселесине өзгөчө көңүл бурду. Ошондой эле "Коопсуз шаар" долбоорунун айланасындагы кырдаалды иликтеп чыгып, жакынкы аралыкта маалымат берүүнү милдеттендирди.

Жаңылыктар түрмөгү
0