БИШКЕК, 6-июн. — Sputnik. Айтмамат Кадырбаевге Ош шаар мэринин күбөлүгү тапшырылды. Бул туурасында муниципалитеттин маалымат кызматы кабарлады.
Бүгүн, 6-июнда мэр Кадырбаев, шаардык кеңештин төрагасы Жапарбек Ормоновдун катышуусу менен мэрия аппаратынын кеңейтилген жыйыны өттү.
"Борбордук шайлоо комиссиясынын өкүлү Расул Кадыров жыйындын башында Айтмамат Кадырбаевге Ош шаарынын мэринин күбөлүгүн тапшырды", — деп билдирди маалымат кызматы.
Кадырбаев ыраазычылыгын билдирип, шаардын мындан аркы өнүгүшүнө да күч-аракетин жумшай турганын билдирди.
Ал 2014-жылдын 15-январында шайланып, 2016-жылдын май айына чейин иштеген. Кадырбаев экинчи ирет 2016-жылдын 25-майында Ош шаардык кеңешинин 41 депутатынын добушу менен кайрадан бул кызматка отурду.
