БИШКЕК, 25-май — Sputnik. Ош шаардык кеңеши шаардын мэрин шайлап, КСДП фракциясынан сунушталган талапкер, мурдагы мэр Айтмамат Кадырбаевге 41 депутат добуш берди.
Ал эми экинчи талапкер, "Өнүгүү-Прогресс" фракциясы сунуштаган Алишер Мойдуновду төрт депутат колдогон.
Добуш берүүгө 45 депутат катышты.
Оштун азыркы башчысы бул кызматка 2014-жылдын 15-январында шайланган. Ал учурда Ош шаардык кеңешиндеги шайлоого катышкан 45 депутаттын 25и Кадырбаев үчүн добуш берген.
