БИШКЕК, 3-июн. — Sputnik. Кадамжай районунун Майда айылында Daewoo Damas унаасы Исфайрам дарыясына түшүп кетип, 32 жаштагы айдоочусу дайынсыз жоголууда. Бул тууралуу ӨКМ билдирди.
Маалыматка ылайык, кырсык 3-июнга караган түнү түнкү саат 01.00ө болгон. Машинанын ичинде үч адам бар экени айтылууда. Эки жүргүнчү аман калган, ал эми Колдош Убайдуллаев аттуу айдоочу табылбай жатат.
Учурда издөө иштерине 50гө чукул жергиликтүү тургун менен Кызыл-Кыя шаарынын куткаруучулары тартылды.
