БИШКЕК, 2-июн. — Sputnik. Билим берүү жана илим министри Элвира Сариева анын отставкасын ким каалап жатканын божомолдоп, өзүнүн Facebook баракчасына билдирүү жазды.
Ал "жакын арада кызматтан кетет" деген имиштерге комментарий бербей турганын билдирди.
"Эгер өлкө жетекчиси жана социал-демократтар министрди алмаштырууну чечсе аны маалымдашат. Ал эми менин отставкам тууралуу "ишенимдүү булактарына" таянып маалымат таратып жаткандар билим берүү системасында "ийгиликтүү" коорупциялык схемаларын сактап калууга далалат кылгандар дээр элем", — деди Сариева.
Министр айым президент тарабынан ага ишенип берилген билим берүү жана илим жаатындагы реформаны улантып, аны аягына чейин чыгарууга аракет кыларын айтат. Сариева аракеттердин жыйынтыгы жай болсо да ишке ашып жатканын кошумчалады.
