БИШКЕК, 30-май — Sputnik. Кайгуул милициясынын башкы башкармалыгы 6-7-июнь күндөрү жол кыймылына чектөө киргизиле турганын эскертти.
Маалыматка ылайык, бул күндөрү Көз карандысыз мамлекеттердин шериктештигине (КМШ) мүчө өлкөлөрдүн өкмөт башчыларынын жыйыны өтөт.
Саммит катышуучуларынын унаа колоннасынын жүрүү тартибине ылайык "Манас" аэропортунан шаарга кире бериш жерге чейин, шаар ичинде Жибек Жолу, Манас, Тынчтык проспектилеринен резиденцияга чейин жана Чүй проспектиси жабылат.
Бул күндөрү милиция күчөтүлгөн тартипте кызмат өтөйт.
