БИШКЕК, 19-май — Sputnik. АКШнын президенттигине талапкерлердин бири Хиллари Клинтон өткөн жылдын 1-январынан бүгүнкү күнгө чейинки кирешелери тууралуу маалымат таратты. Бул туурасында РИА Новости жазды.
АКШнын мурдагы биринчи айымы жана мамлекеттик катчысынын кирешесинин арбын бөлүгүн "Кыйын чечимдер" китебинен түшкөн калем акы түзгөн. Анда 2008-жылдагы Барак Обама менен президинттик шайлоо учурундагы ийгиликсиз күрөшү, 2009-2013-жылдардагы мамкатчылык кызматындагы оош-кыйыш учурлары баяндалган.
Клинтон 1976-жылдан тарта АКШнын президенттигине талапкерлер өздөрүнүн салыктык декларацияларын эл алдында жарыялап келе жаткандыктарын эстетти.
Трамп мындан мурдараак 2015-жылдын июль айынан тарта кирешелер туурасындагы декларация боюнча маалыматтарды таратып, 557 миллион доллар иштеп тапкандыгын жана аны 10 миллиард долларга көбөйткөндүгүн билдирген. Анткен менен Трамптын салык декларациясын көрбөй туруп, анын байлыгынын канча экендигин баалоо мүмкүн эмес деп айтышты эксперттер.
