Үңкүр-Тоонун тегерегинде телефон байланышы начарлап жатканы айтылууда

© flickr.com / Senado FederalТелефон кармаган адам. Архив
Телефон кармаган адам. Архив - Sputnik Кыргызстан
Жазылуу
Район тургундары бул көрүнүш мунарынын көчүрүлүшү менен байланыштуу болушу мүмкүн деген божомолдо.

БИШКЕК, 18-май — Sputnik. Жалал-Абаддын Аксы районунда телефон байланышы начарлап, радио сигналдар жакшы тартпай жатат. Бул тууралуу Sputnik Кыргызстан агенттигине район тургуну Жамилия Айдарбекова билдирди. 

Ал аталган көрүнүштү айыл тургундары Үңкүр-Тоодогу "Кербен-24" телерадиомунарасын көчүрүүгө байланыштуу болушу мүмкүн деп жоромолдоп жатканын кошумчалады. 

Ал ортодо район акими Медет Айдаралиев сигналдын жоголушу Үңкүр-Тоодогу "Кербен-24" телерадиомунарасындагы оңдоп-түзөө иштерине байланыштуу экенин билдирди. 

"Мунарадагы оңдоп-түзөө иштерине байланыштуу сигнал жакшы болбой жаткан. Учурда оңдолуп калды. Жаңы мунара куруу үчүн бөлүнгөн жерде чалгындоо иштери жүрүп жатат. Үңкүр-Тоодогу "Кербен-24" телерадиомунарасы эч жакка көчүрүлбөйт. Жаңы мунара курулат", — деди аким.

Үстүбүздөгү жылдын апрель айында Үңкүр-Тоодогу "Кербен-24" телерадиомунарасы менен биргеликте иштей турган станция үчүн Бозбу-Тоо тоосунун Ителги чокусунан жер бөлүнгөн.

Жаңылыктар түрмөгү
0