БИШКЕК, 12-май — Sputnik. Нарын дубаны боюнча быйыл 39 объектинин курулушу жүрөт, алардын 20сы мектеп деп билдирди өкмөттүн аталган аймак боюнча ыйгарым укуктуу өкүлү Аманбай Кайыпов.
"Быйыл облус боюнча 39 объект курулса, анын 20сы мектеп болот. Балдардын билим алуусуна жана мугалимдердин ишине ыңгайлуу шарт түзүп берүү негизги максатыбыз", — деди облус башчысы.
Маалымат кызматы социалдык объектилердин курулушу боюнча Кочкор районунда өткөн семинарда Аманбаев социалдык объектилерди куруп жаткан курулуш ишканаларын жоопкерчиликтүү мамиле кылууга чакырганын билдирди.
Нарын облусу боюнча учурда 141 мектеп бар. Алардын бирөө – Кыргыз-түрк "Себат" балдар лицейи, ал эми бирөө "Билимкана" деп аталган менчик мектеп.
