БИШКЕК, 10-май — Sputnik. Президент Алмазбек Атамбаев "Жазык- процессуалдык кодекске өзгөртүүлөрдү киргизүү жөнүндө" мыйзамга кол койду. Бул тууралуу президенттин аппаратынан билдиришти.
Аталган мыйзам 6-апрелде Жогорку Кеңеш тарабынан кабыл алынган.
"Мыйзамдын максаты жасалган, жасалып жаткан же даярдалып жаткан кылмыштар жана окуялар жөнүндө арыздар менен кабарларды кабыл алуунун, каттоонун жана кароонун бирдиктүү тартибин белгилөө болуп саналат", — деп айтылат маалыматта.
Жарлык расмий жарыялоодон он күн өткөндөн кийин күчүнө кирет.
