БИШКЕК, 30-апр. — Sputnik. Ислам кызматташуу уюмунун башкы катчысы Ияд бин Амин Мадани Кыргызстанга расмий иш сапары менен келди. Бул тууралуу Тышкы иштер министрлигинин маалымат кызматы билдирди.
30 Чын Куран 2016, 11:39
Ага ылайык, башкы катчынын сапары 30-апрелден 3-майга чейин болуп, аны өлкө президенти Алмазбек Атамбаев, Жогорку Кеңештин төрагасы Чыныбай Турсунбеков, премьер-министр Сооронбай Жээнбеков жана Тышкы иштер министри Эрлан Абдылдаев кабыл алат.
Жолугушууларда Кыргызстандын аталган уюм менен кеңири тармакта кызматташуу жагы талкууланат.
Белгилей кетсек, Ислам кызматташуу уюмунун баш катчысы аталган кызматка келгенден бери Кыргызстанга биринчи жолу келип жатат.
