БИШКЕК, 30-апр. — Sputnik. "Дордой" базарынын аймагында эки унаа бет маңдай кагышты. Бул тууралуу Sputnik Кыргызстан агенттигинин кабарчысына Чүй облустук кайгуул милициясынын маалымат кызматы билдирди.
ДТП на объездной дороге в Бишкеке
© Виктор Знаменщиков
Жол кырсыгы ишемби күнү саат 11.00 чамасында таштанды төгүлчү жайдан алыс эмес жерде жайгашкан "Теңдик" жаңы конушунда катталган.
Алдын ала маалымат боюнча, Mercedes жана Volkswagen унаалары өз сызыгынан чыгып, алдыдагы унааны ашып өтүүгө аракет жасаганда кагышышкан.
Азырынча эки жаран жабыркап ооруканага жеткирилгени айтылууда. Милиция унаалардагы жүргүнчүлөрдү издеп жатат. Алар кырсык болгон жерден башка унааларга отуруп кетип калышкан.
