БИШКЕК, 30-апр. — Sputnik. Мурдагы вице-премьер Токон Мамытов Кыргыз элинин ассамблеясын жетектей турган болду.
Ассамблея 400 делегаттан туруп, алардын 65и кеңешке кирет.
30 Чын Куран 2016, 11:39
Бүгүн кеңештин отуруму өттү. Анда жетекчилик орунга жалгыз Токон Мамытовдун гана талапкерлиги көрсөтүлгөн. Добуш берүүнүн жыйынтыгында ал Кыргыз элинин ассамблеясынын жетекчиси жана премьер-министрдин кеңешчиси болуп шайланды.
Буга чейин ассамблеяны Бектемир Мурзубраимов жетектеп келген.
Кыргыз элинин ассамблеясы — Кыргызстандын элин түзгөн этностордун улуттук кызыкчылыгын көздөгөн коомдук уюм. 1994-жылы 21–22-январда Бишкек шаарында, Кыргызстан элинин 1-курултайында уюшулган. Кыргыз элинин ассамблеясынын курамында 2003-жылы 1-январына карата 29 улуттук маданий борбор жана коомдук бирикмелер бар.
