БИШКЕК, 30-апр. — Sputnik. Май майрамдарында республика боюнча коомдук тартипти 7,5 милиционер көзөмөлдөй турганын Ички иштер министрлиги билдирди.
Эскерте кетсек, Кыргызстанда 1-май Эмгек күнү, 5-май — Конституция күнү жана 9-май Жеңиш күнү катары майрамдалат. Бул күндөр массалык майрамдоолор, коомдук-саясий иш-чаралар менен коштолот.
Мындан улам бүгүнтөн баштап республиканын өздүк курамы күчөтүлгөн режимде кызмат өтөөгө өттү.
"Учурда күчөтүлгөн тартипте иштей турган ыкчам-иликтөө топтору түзүлүп, милиционерлердин арасында түшүндүрүү иштери жүрүп жатат. Өзгөчө мааниге ээ, стратегиялык объектилер кайтарууга алынды", — деп айтылат билдирүүдө.
Коомдук тартипке көз салуу үчүн милиция кызматкерлеринен тышкары 5,5 миң ыктыярдуу дружиначы да тартылат.
9-майда "Ала-Тоо", "Жеңиш" аянттарында, "Ак кула" ипподромунда жана Дөлөн Өмүрзаков атындагы стадиондо эки миң милиционер кызмат өтөйт.
