БИШКЕК, 30-апр. — Sputnik. Жалал-Абад облусунун Сузак районундагы Алмалуу-Булак айылында бүгүн таңда кайрадан жер көчтү. Учурда көлөмү такталып жатканын ӨКМ билдирди.
Алдын ала маалыматтар боюнча кыйроолор жана адам өлүмү катталган эмес.
Белгилей кетсек, 27-апрелде аталган аймакта катары менен эки жолу жер көчүп, 16 жаштагы баланы басып калган.
ӨКМдин билдирүүсүнө ылайык, Жалал-Абад облустук жана Сузак райондук Жарандык коргонуу кызматтары 35 үй-бүлөнү коопсуз аймактарга көчүрдү. Жалпысы 73 үй-бүлө көчүрүлүүсү зарыл.
Жер көчкү жүргөн аймакта учурда 90го жакын куткаруучу жана 40тай дарыгер иштеп жатат.
Жакынкы күндөрдө күтүлүп жаткан жаан-чачынга байланыштуу кооптуу болгон аймактар катуу көзөмөлгө алынып, бул жакта жашап жаткан үй-бүлөлөрдү тез арада коопсуз жерге көчүрүү сунушталат.
