БИШКЕК, 30-апр. — Sputnik. Чүй облусунун Аламүдүн районундагы Таш-Мойнок айыл өкмөтүнда иштеген кызмат адамдары аукцион өткөрбөй туруп, калктуу конушка тийиштүү 10 гектар жерди жеке компанияга 49 жылдык мөөнөткө берип жиберишкен. Бул тууралуу Финансы полициясы билдирди.
Маалыматка ылайык, документтер дагы жасалмаланган. Мыйзамсыз аракеттерден улам мамлекетке 4 миллоин 112 миң 190 сом зыян келтирилген.
Бул факты боюнча Кылмыш жаза кодексинин кызматтык абалынан кыянаттык менен пайдалануу жана документтерди жасалмалоо беренелери боюнча кылмыш иши козголду.
