БИШКЕК, 29-апр. — Sputnik. Сауд Аравиясынын бийлиги 2020-жылга карата кичи ажылык — умрага келгендердин санын 8 миллиондон 15 миллионго чейин чыгарууну пландап жатканын Saudi Gazette гезити билдирди.
22 Чын Куран 2016, 09:19
Сауд Аравиясынын королу Салмандын мындай сунушу өлкөнүн министрлер кабинетине берилди. Буга чейин Сауд Аравиясы нефтинин баасы түшкөндүктөн туристтик тармакка ыктоо ниетин билдирген. Туристтердин көбүн дал ушул ажылыкка келгендер түзөт.
Учурда өлкөгө кичи ажылык — умрага келгендердин саны бир жылда 8 миллион кишиге жетет. Басылма жыл башынан бери ажылык үчүн 4,6 миллион виза берилгенин баса белгилейт. Өлкөнүн королу Салман эң ири ислам музейин ачуу керектигин да айткан.
Быйыл кыргызстандык зыяратчылардын Мекке шаарына ажылыкка баруусу үчүн 3685 орун бөлүнгөн.
