БИШКЕК, 22-апр. —Sputnik. Бишкекте өткөн "Ислам — тынчтыктын жарчысы" аттуу китеп окуу сынагынын жыйынтыгы менен жеңүүчүлөргө ажылык сапарга жолдомо ыйгарылды. Бул тууралуу Кыргызстан мусулмандарынын дин башкармалыгы билдирди.
Маалыматка ылайык, аталган сынак "Риядус Салихин", "Сүйүктүү Пайгамбарыбыз Мухаммеддин (с.а.в.) өмүр баяны" жана "Абу Ханифа жана ханафий мазхабы" китептери боюнча өткөрүлдү.
Сынактын жыйынтыгы боюнча Айымкыз Айтмаматова менен көзү азиз Зулфия айым ажылык сапарга, ал эми Жусупбек Мураталиев, Идирис Дыйканов жана Махабат Кожоевалар умра сапарына акысыз баруу укугуна ээ болушту.
Калган катышуучулар акчалай сыйлыктар менен сыйланышты.
