БИШКЕК, 28-апр. — Sputnik. Жогорку Кеңеш өкмөттүн 2015-жылы жасалган иши боюнча отчетту канааттандырарлык деп тапты. Бул тууралуу өкмөттүн маалымат кызматы билдирди.
Отчетту депутаттарга премьер-министр Сооронбай Жээнбеков сунуштады.
Эл өкүлдөрү калоо-тилектери менен бирге бир катар сын пикир да айтышты. Мында депутаттар Улуттук стратегиянын алкагындагы долбоорлорду ишке ашыруудагы кемчиликтерге токтолушту.
Жээнбеков өз кезегинде бардык айтылган сын пикирлер эске алынып, ушу тапта өкмөттүн бир катар келечектүү программалары бар экенин белгиледи.
