БИШКЕК, 28-апр. — Sputnik. Кыргызстанда жаныбарларды идентификациялоо иши активдеше турганын премьер-министр Сооронбай Жээнбеков Жогорку Кеңеште өкмөттүн 2015-жыл үчүн отчетун берип жатып билдирди.
Анын айтымында, учурда тийиштүү эрежелер иштелип чыгып, жабдуу сатып алынган. Бүгүнкү күндө Чүй, Талас жана Ош облустарынын жеке мал доктурларын окутуу иш-чаралары жүрүп жатат.
Эскерте кетсек, жаныбарларды идентификациялоо боюнча мыйзам 2014-жылы кабыл алынган.
