БИШКЕК, 28-апр. — Sputnik. Бишкекте "Мир-2016" аталышында массалык чуркоо уюштурулат. Бул тууралуу Бишкек шаардык дене тарбия жана спорт комитети билдирди.
"Спорт шаары — дени сак эл" девизинин алдында уюштурулуп жаткан иш-чара 30-апрель күнү Бишкектин эски аянтында өтөт. Катышуучулар Орозбеков көчөсүнөн Раззаков көчөсүнө чейин чуркашат. Чуркоо 1000 жана 500 метрлик болуп экиге бөлүнөт.
Иш-чаранын максаты спортту өнүктүрүү болуп саналат. Ага баардык каалоочулар катыша алат.
