БИШКЕК, 25-апр. — Sputnik. Гоголь менен Бөкөнбаев көчөлөрүнүн кесилишинде бак кулап, эки машинаны басып калганын "Зеленстрой" муниципалдык ишканасынын башчысы Токтобек Элгондиев билдирди.
Анын айтымында, окуя ишемби күнү кечинде саат 22.30 чамасында көп кабаттуу үйдүн короосунда болгон.
"Мен окуя болгон жерге саат 23.00дө бардым. Биздин кызмат кулаган бакты алып коюшуптур. Адам өлүмү катталган жок. Бак эки машинаны басып калыптыр. Бирөөнүн капоту майышса, экинчисинин терезелери сыныптыр. Бак карып калгандыктан кулаган", — деди ал.
Буга чейин адам өлүмүн алган окуядан кийин Бишкек мэриясы коркунуч туудурган бактарды кыюу боюнча чечим кабыл алган.
Ал ошондой эле бир гана Ауэзов көчөсүндө 50дөн ашык бакты, Турусбеков көчөсүндөгү 40тай даракты кыюу керектигин айтты.
