БИШКЕК, 20-апр. — Sputnik. Вице-мэр Айгүл Рыскулова жана Бишкек шаардык кеңештин төрагасынын орун басары Асел Пирматова борбор калаадагы жаштар уюмдары менен жолугуп, алардын жүрүм-туруму жана борбор калаанын Жаштар кеңешин түзүүнү талкуулашты. Бул тууралуу мэриянын маалымат кызматы билдирди.
Жолугушууда активисттер шаарды өнүктүрүү боюнча өз долбоорлорун сунушташты.
Вице-мэр Айгүл Рыскулова Бишкек шаары жаш шаар экенин айтып, бул жакта аймактардан келген жаштар окуп, иштерин кошумчалады.
"Жаштар кеңешин түзүү мэрия үчүн абдан маанилүү", — деди Рыскулова.
Жолугушуунун жыйынтыгында сунушталган долбоорлорду карап чыгып, биргеликте иштөө боюнча чечим кабыл алынды.
Бул иш-чарага ошондой эле бардык район акимдеринин социалдык маселелер боюнча орун басарлары катышты.
