Бир жакка кечигип, же бирөөнүн көрө албастык кылып жатканын көрсөк "кыргызчылык" деп кутулабыз. Тилекке каршы, бул көрүнүш каныбызга сиңип калган. Чындыгында "кыргызчылык" — бул ыймандуулук, улууга урмат, кичүүгө ызат көрсөтүү, эл камын ойлоо, намыстуулук.
Sputnik Кыргызстан агенттиги назарыңыздарга кыргыздар арылышы керек болгон жети сапатты сунуштайт.
2. Көрө албастык — адам баласындагы бул жаман сапат баарында эле болсо керек. Пендечилик деген да бар эмеспи. Анткен менен пейилди кенен койсо баары жакшы болот.
3. Кайдыгерлик — ааламды суу каптаса өрдөккө баары бир болгондой көп нерсеге кайдыгер карап коймоюбуз бар. Француздар ден соолугуна кабатырланып, алдын ала текшерилет экен. Орустар ооруп жатканда гана ооруканага барат. Ал эми кыргыздар өлүмгө аз калганда араң деп атып дарыгерге кайрылат.
4. Тууганчылык — таанышың болсо таңкасың, болбосо… деген кеп жөн жерден чыккан эмес. Бул илдет өзгөчө чоң саясатта байкалып келет. Байкеси менен таякесине таянып, бамбуктай дүркүрөп өскөндөр арбын.
5. Түндүк-түштүк болуп бөлүнүү — бул жаман сапат бардык өлкөлөрдө кезигет. Анткен менен бул сапатты кыргыздарга ыраа көрбөйм. Шайлоо өнөктүгү учурунда саясатчылар алакандай кыргызды экиге бөлүп, "биздин бала" деп калышат. Куш бир канаты менен уча албастыгын унутпасак.
7. Кур намыс — эл эмне дейт деп туруп, насыяга той өткөрөбүз. Жылдап чогулткан байлыгыбызды бапырап бир күндө чачабыз да, эртеси Россияга жөнөп кетебиз.
Бул тизмекти сапаттар сизде бар-жогун байкап көрүңүз. "Канга сиңип калган" деп кол шилтеп койбой, аз да болсо ойлонуп, оң жагына оодарганга аракет кылып койсоңуз ашыкча болбойт.
