БИШКЕК, 14-апр. — Sputnik. Бишкекте "Ак Илбирс" улуттук киносыйлыгына ат салышуу үчүн жалпысынан 38 тасма келип түштү. Бул тууралуу Кинематографисттер союзунун уюштуруу комитетинин катчысы Талант Төлөбеков билдирди.
Маалыматка ылайык, учурда арыздарды кабыл алуу токтотулду. 38 тасманын ичинде 10 толук метраждуу, 23 кыска метраждуу жана 5 даректүү тасма бар.
Аталган сыйлыкка 2015-жылы өндүрүштөн чыккан ар кыл жанрдагы тасмалар ат салышат. Мындан төрт жыл мурун негизделген иш-чара 14 номинация боюнча мыктыларды аныктап келсе, былтыртан баштап Борбордук Азияны толугу менен камтып, ага дагы эки номинация кошулган.
Сыйлык тапшыруу аземи 15-майда "Манас" кинотеатрында өтөт.
Sputnik Кыргызстан маалымат агенттиги жана радиосу — "Ак Илбирс" киносыйлыгынын эл аралык маалымат өнөктөшү.
