БИШКЕК, 12-апр. — Sputnik. Кечээ түнкү саат 11.50дө болгон жол кырсыгынан үч жаштагы наристе кыз ооруканада чарчап калганын Бишкек ШИИБ билдирди.
Маалыматка ылайык, кырсык Ахунбаев менен Тыналиев көчөлөрүнүн кесилишинде катталган. Анда Mercedes-Benz унаасы Mazda Demio менен сүзүшүп, акыркы машинадагы айдоочу, жубайы жана үч, беш, алты жаштагы балдары катуу жаракат алышкан.
Кийин ооруканага жеткирилген үч жаштагы кыз алган жараатынан чарчап калганы белгилүү болду.
Учурда аталган жол кырсыгы боюнча иликтөө иштери башталды.
